Նախորդ շաբաթ Ինժեներական քաղաքում հյուրընկալված հերթական խումբն Արցախի և Տավուշի մարզի երիտասարդներն էին։
Այցելուները ծանոթացել են «Ձեռնարկությունների ինկուբատոր» հիմնադրամի կողմից Տեղեկատվական և Բարձր տեխնոլոգիաների ոլորտի առաջխաղացման ուղղությամբ նախաձեռնվող և իրականացվող բազմակողմ ծրագրերին և ոլորտի զարգացման հեռանկարներին։
Երիտասարդները հնարավորություն են ունեցել նաև այցելելու Ինժեներական քաղաքի տարածքում գործող Տիեզերքի թանգարան, Science & Technology Museum Yerevan (Գիտության և տեխնիկայի թանգարան), որտեղ ծանոթացել են հայազգի գիտնականների ու գյուտարարների հայտնագործություններին, նորարարություններին և գիտատեխնիկական նվաճումներին, և, ընդհանուր առմամբ, հայ գիտական ներուժին։