ՌՀՕ-ն թիմային մրցույթ է։ Մասնակից թիմերը նախագծում ու կառուցում են ռոբոտի մոդել, որը կարողանում է իրական կյանքում ծագող խնդիրներ լուծել:
Թիմում մասնակիցների նվազագույն թիվը 2-ն է, առավելագույնը` 3-ը: Թիմը պետք է ունենա մարզիչ, ով պետք է լինի առնվազն 20 տարեկան: Թիմի մարզիչը չի կարող լինել թիմի անդամ:
1. Սովորական և Լեգոստարտ մրցույթի մասնակիցների տարիք.
• Տարրական` մինչև 12 տարեկան աշակերտներ (մրցույթի տարվա դրությամբ)
• Կրտսեր` 13-15 տարեկաններ (մրցույթի տարվա դրությամբ)
• Ավագ` 16-19 տարեկաններ (մրցույթի տարվա դրությամբ)
2. Բաց մրցույթի մասնակիցների տարիք.
• Տարրական` մինչև 12 տարեկան աշակերտներ (մրցույթի տարվա դրությամբ)
• Կրտսեր` 13-15 տարեկաններ (մրցույթի տարվա դրությամբ)
• Ավագ` 16-19 տարեկաններ (մրցույթի տարվա դրությամբ)
3. WeDo սովորական մրցույթին կարող են մասնակցել մինչև 10 տարեկան երեխաները:
Օլիմպիադայի ազգային փուլին մասնակցելու համար հարկավոր է մասնակցության հայտ լրացնել մինչև 2021 թ. մայիսի 15-ը ներառյալ:
Յուրաքանչյուր թիմի համար վճարը կազմում է 10.000 ՀՀ դրամ: Մասնակցության վճարը կատարելու վերջնաժամկետը 2021 թ. մայիսի 20-ն է: Մասնակցության վճարը փոխանցեք «Կոնվերս Բանկ» ՓԲԸ-ում բացված «Այբ» կրթական հիմնադրամի 1930055663050100 հաշվեհամարին:
Ռոբոտների համաշխարհային օլիմպիադայի ազգային փուլը տեղի կունենա 2021թ․ հունիսի 27-ին: