Categories: News

Սոցիալական ստարտափ SAP UP մրցույթն ընդունում է հայտեր նաև Հայաստանից

SAP ԱՊՀ ընկերության կողմից 2015 թվականին հիմնած «SAP UP» սոցիալական ստարտափների համար նախատեսված մրցույթը ընդունում է հայտեր։ Այս մասին «StartHub»-ը տեղեկացավ մրցույթի պաշտոնական կայքից։

Հայաստանը մրցույթի մասնակցության իրավունք ստացել է 2018 թվականից։

«Մենք մեկնարկում ենք SAP UP- ի սոցիալական մրցույթի նոր փուլը: Այս տարի մրցույթը կանցկացվի չորս երկրներում `Ռուսաստանում, Բելառուսում, Ղազախստանում և Հայաստանում»,- գրված է մրցույթի վերաբերյալ հրապարակման մեջ։

Դիմումների ընդունումը մեկնարկել է սեպտեմբերի 7-ից մինչև հոկտեմբերի 7-ը։

Յուրաքանչյուր երկրում մրցանակային տեղեր զբաղեցրած մասնակիցները կստանան Եվրոպա մեկնելու համար կրթական ուղևորության վկայագրեր։ Գրան պրի հաղթող նախագծերը կստանան դրամաշնորհներ՝ իրենց նախագծերի զարգացման համար։

Հայաստանում դրամական պարգևը կկազմի 2 մլն դրամ։

Մրցույթին կարող են մասնակցել սոցիալական ուղղվածություն ունեցող ընկերություններ, որոնք գործունեություն են իրականացնում հետևյալ ոլորտներում.

– էկոլոգիա,

– նորագույն տեխնոլոգիաներ,

– տարածքների զարգացում,

– հավասար հնարավորությունների ապահովում,

– մշակույթ,

– կրթություն,

– բժշկություն

– առողջապահություն,

– առողջ ապրելակերպ / սպորտ:

Հայաստանում եզրափակիչը կկայանա Դիլիջան քաղաքում։

Հայտերի ընդունման կարգի մասին ավելի մանրամասն կարելի է տեղեկանալ նշված հղումով:

Լուսանկարը՝ http://www.sap-up.org/ կայքից։

Share