Մարտ, 2024
March 2024
M T W T F S S
 123
45678910
11121314151617
18192021222324
25262728293031
EIF-ը հայտարարում է «Ֆակուլտետային հետազոտական մրցանակ»-ի մեկնարկի մասին
News 18/12/2018 13:21

Ձեռնարկությունների ինկուբատոր հիմնադրամը (ՁԻՀ)՝ PMI Science-ի հետ համատեղ հայտարարում է «Ֆակուլտետային հետազոտական մրցանակ»-ի մեկնարկի մասին։ Այս մասին «StartHub»-ը տեղեկացավ ՁԻՀ պաշտոնական էջից։

«Գիտահետազոտական հաստատություններից և համալսարաններից տարբեր թիմեր կարող են դիմել իրենց հետազոտական ծրագրերի համար ֆինանսավորում ստանալու համար նախատեսված «Ֆակուլտետային հետազոտական մրցանակ»-ին»,- հայտնում են ՁԻՀ-ից։

Այս մրցանակը թիրախավորում է հետազոտական և գիտական աշխատանքները՝ մի շարք ոլորտներում։ Դրանքն են՝

– կիրառական մաթեմատիկա,

– կիրառական ֆիզիկա,

– էլեկտրական ինժեներիա, էլեկտրոնիկայի հսկման համակարգ,

– տվյալների մայնինգ, տվյալների կառավարում,

– սիմուլյացիա և մոդելավորում, Multi-ֆիզիկայի մոդելավորում, ալգորիթմներ,

– սենսորային տեխնոլոգիաներ (Sensing-խմբ.),

– անալիտիկ քիմիա,

– կենսաբժշկություն, թունաբանություն,

– նյութագիտություն,

– աերոզոլային գիտություն (Aerosol –խմբ.)

– իրերի համացանց (IoT)։

Ֆակուլտետային հետազոտությունների մրցանակի շրջանակներում հետազոտական հաստատություններ/ համալսարաններ ներկայացնող 7 հետազոտական թիմ կստանա դրամաշնորհներ՝ 7500 ԱՄՆ դոլարին համարժեք դրամ։

Ծրագրին դիմելու ընթացակարգին կարելի է ծանոթանալ նշված հղումով։

Դիմելու վերջնաժամկետը՝ դեկտեմբերի 24-ն է։

Լուսանկարը՝ ՁԻՀ-ի ֆեյսբուքյան էջից