Մարտ, 2024
March 2024
M T W T F S S
 123
45678910
11121314151617
18192021222324
25262728293031
Հայաստան Ստարտափ Ակադեմիայի դեմո օր՝ հունվարի 19-ին
News 18/01/2019 11:39

Հունվարի 19-ին, ժամը 18:00-ից մինչև 20:30-ը, Հայաստան Ստարտափ Ակադեմիան կկազմակերպի իր շրջանավարտների երրորդ ցուցադրական օրը:

2018 թ. hոկտեմբերի 1-ին մեկնարկել է Հայաստան ստարտափ ակադեմիայի 12-շաբաթանոց նախաաքսելերացիոն ծրագրի երրորդ շրջանը․ ընտրվել էին 17 ստարտափներ, որոնք մասնակցեցին բարձր տեխնոլոգիական ընկերությունների համար պատրաստված եզակի 3-ամսյա ծրագրին` հիմնված  Սիլիկոնյան հովտի և միջազգային փորձի լավագույն մոդելների վրա: Մասնակիցները կարողացան ստեղծել և զարգացնել իրենց գիտելիքները մի շարք ոլորտներում՝ մարքեթինգ, վաճառք, հաճախորդների զարգացում և այլն, պրոֆեսիոնալ մենթորների ներգրավմամբ: Այժմ նրանք ավելի են կատարելագործվել և պատրաստ են մուտք գործել ու ընդլայնվել նոր շուկաներում:  

Ցուցադրական օրվա ընթացքում 12 ստարտափի հիմնադիրները կներկայացնեն իրենց և իրենց պրոդուկտները, կպատմեն, թե ինչ են սովորել ակադեմիայում և կներկայացնեն իրենց ապագա ծրագրերը: Բացի այդ, նրանք կփորձեն գտնել պոտենցիալ ներդրողներ և շահագրգիռ բիզնես գործընկերներ:

Միջոցառումը կսկսվի ողջույնի ուղերձով Քաթըլիսթ հիմնադրամից, ԵՄ պատվիրակությունից և EU-SMEDA ծրագրի ներկայացուցիչների կողմից:

Բացի այդ, նախորդ շրջանի շրջանավարտները (Աշուն 2017 և Գարուն 2018) պատրաստվում են կիսել իրենց առաջընթացը և ձեռքբերումները: Դրանց թվում են Himnark և ForgeFiction ընկերությունների հիմնադիրները:

Ստորև ներկայացված են ելույթ ունեցող ստարտափների կարճ նկարագրությունները.

IMPEL-H1 Heart Monitoring System – ալգորիթմների համակարգ, որը թույլ է տալիս հետևել սրտանոթային համակարգի աշխատանքին և բացահայտել խնդիրներն 99% ճշգրտությամբ։

Illuria security – տեղեկատվական անվտանգույթուն ապահովող ավտոմատացված համակարգ, որը թույլ է տալիս բացահայտել և չեզոքացնել կիբեր-հարձակումները

Risksensor – արհեստական բանականության օգտագործմամբ ստեղծված ֆինանսական ռիսկի կառավարման գործիքակազմ սպեկուլատիվ եկամուտ վաստակող անհատ թրեյդերի համար։

Robin by Expper Technologies – Ռոբինը հաճախորդների սպասարկող Ռոբոտ է, որը արհեստական բանականության միջոցով կարող է զրուցել հաճախորդների հետ, պատասխանել իրենց հուզող հարցերին։

EasyDMARC – էլեկտրոնային նամակները վստահելի դարձնելու և դոմեյնի ու էլ․ նամակների անվտանգությունը ապահովելու համար նախատեսված համակարգ։

RetentionForce – Մարքեթինգային ավտոմատացման և հաճախորդների սպասարկման գործիքակազմ գեղեցկության սրահների համար:

AnteoHealth – առողջապահական թվային հարթակ, որը օգնում է վիրտուալ կապ հաստատել լավագույն բուժ-մասնագետների հետ հաշված րոպեների ընթացքում եւ ստանալ բուժման ծրագիր բջջային հավելվածի միջոցով:

Puzl – Ապրանքներ դասակարգող ռոբոտների համար նախատեսված արհեստական բանականություն։

Petto – Սարք և համակարգ, որը արհեստական բանականության շնորհիվ կապ է ստեղծում մարդու և իր բույսի միջև՝  թույլ տալով հաղորդագրություն գրել իրար բջջային հավելվածի միջոցով։

DoHirus – հարթակ, որը թույլ է տալիս անհատներին հրապարակել կարճաժամկետ աշխատանքներ, և աշխատանք փնտրողներին գումար վաստակել կատարելով ներկայացված աշխատանքները։

Altered Silicon – հաշվարկային հզորություն պահանջող գործողությունների և մայնիգի համար նախատեսված ASIC և FPGA հիբրիդային համակարգ:

EU-SMEDA-ի կողմից ֆինանսավորվող Հայաստան Ստարտափ Ակադեմիայի (ՀՍԱ) մասին

Հայաստան Ստարտափ Ակադեմիան (ՀՍԱ) 12-շաբաթանոց նախաաքսելերացիոն ծրագիր է, որի ընթացքում ընտրված հայկական տեխնոլոգիական ընկերությունների եւ ստարտափների համար, որոնք անցնում են հաճախորդների զարգացման գործընթացի միջոցով `օգտագործելով առաջադեմ հետևելու մեթոդաբանություն և գործիքներ մուտք են գործում և ընդլայնվում են նոր շուկաներում: Այն Catalyst հիմնադրամ-ի նախագիծ է, որը իրականացվում է «Աջակցություն ՓՄՁ զարգացմանը Հայաստանում» (EU-SMEDA) ծրագրի շրջանակներում, որը  իր հերթին համաֆինանսավորվում է Եվրոպական միության և Գերմանիայի տնտեսական համագործակցության եւ զարգացման դաշնային նախարարության (BMZ) եւ Գերմանական զարգացման համագործակցության (GIZ)-ի կողմից իրականացվող «Հարավային Կովկասի մասնավոր հատվածի զարգացման» ծրագրի միջոցով, EU4Business և EU4Innovation- ի նախաձեռնությունների շրջանակներում:

ԵՄ-ն՝ Բիզնեսի համար նախաձեռնության շրջանակներում գործող «Աջակցություն Հայաստանում ՓՄՁ զարգացմանը» (EU-SMEDA) ծրագրի մասին

Եվրոպական միության ԵՄ-ն՝ Բիզնեսի համար նախաձեռնությունը հովանոցային նախաձեռնություն է, որը ներառում է ՓՄՁ աջակցությանն ուղղված ԵՄ-ի կողմից իրականացվող բոլոր գործողությունները Արևելյան գործընկերության երկրներում:

Աջակցություն ՓՄՁ զարգացմանը Հայաստանում ծրագիրը համաֆինանսավորվում է Եվրոպական միության և Գերմանիայի Դաշնային Հանրապետության Տնտեսական համագործակցության և զարգացման նախարարության կողմից և իրականացվում ԳՄՀԸ «Մասնավոր հատվածի զարգացումը Հարավային Կովկասում» ծրագրի շրջանակում: Ծրագիրը հանդիսանում է Եվրոպական միության ԵՄ-ն՝ բիզնեսի համար և ԵՄ-ն՝ նորարարության համար նախաձեռնությունների մաս:

Ծրագրի նպատակն է բարելավել երկրի գործարար ու ներդրումային  միջավայրը և աջակցել փոքր և  միջին ձեռներեցության (ՓՄՁ) ստեղծմանը և զարգացմանը՝ խթանելով  ընդգրկուն աճ Հայաստանում:  Այս համատեքստում ծրագիրը նպատակաուղղված է ՓՄՁ քաղաքականությունների գործընթացների, բիզնես ասոցիացիաների և տնտեսական կլաստերների հզորացմաը: Ավելին, ծրագիրը աջակցում է   նորարարությանն ուղղված տարբեր ձեռնարկությունների և օգնում է մեծացնել գործող ՓՄՁ-ների մրցունակությունը՝ նորարարական պրոդուկտների, ինչպես նաև տեղական և համաշխարհային շուկաների համար ծառայությունների մշակման ու ձևավորման նպատակով ֆինանսական և տեխնիկական աջակցության տրամադրման միջոցով։ Ծրագիրը նպատակ է հետապնդում խթանել տեխնոլոգիաների յուրացման տեմպը, տեխնոլոգիաների փոխանցումը, նորարարությունը, գիտահետազոտական արդյունքների առևտրայնացումը, ինչպես նաև խրախուսել գիտահետազոտական կենտրոնների և ՓՄՁ-ների միջև համագործակցությունը։