Մոբայլ և վեբ ծրագրավորման դասընթացներ՝ Գավառում

Գյումրիի Տեղեկատվական Տեխնոլոգիաների Կենտրոնը (ԳՏՏԿ), համագործակցելով Գեղարքունիքի մարզպետարանի, Գավառի Պետական Համալսարանի և Luseen Technologies-ի հետ, սկսում է տեխնոլոգիական ոլորտի հատուկ մասնագիտացված կրթական ծրագրերի իրականացումը Գավառում: Այս մասին «StartHub»-ը տեղեկացավ ԳՏՏԿ-ի ֆեյսբուքյան էջից։

Դասընթացի տևողությունը 6 ամիս՝ հետևյալ ուղղություններով՝

– մոբայլ ծրագրավորում /Swift, iOS/

– վեբ ծրագրավորում /HTML/CSS, JavaScript, PHP, DB/

Ամսավճարը՝ 10,000 դրամ:

Ծրագիրը համաֆինանսավորվում է Հայ Օգնության Ֆոնդի կողմից։

Դասընթացները հաջողությամբ ավարտած շրջանավարտները կստանան ավարտական վկայականներ, ինչպես նաև հնարավորություն կունենան համագործակցել ՏՏ և ճարտարագիտության ոլորտի լավագույն մասնագետների և ընկերությունների հետ:

Գրանցվելու համար անհրաժեշտ է անցնել հետևյալ հղումով։

Դիմումների ընդունման վերջնաժամկետն է փետրվարի 22-ը ներառյալ։

Դասընթացի մեկնարկը՝ մարտի 1։

Մասնակիցների ընտրությունը կկատարվի հարցազրույցի միջոցով:

Լուսանկարը՝ GITC