Բիզնես հրեշտակ, ներդրող Խեսուս Լոզանոն իր ֆեյսբուքյան էջում գրել է.
«Շատ հպարտ եմ, որ հրավիրված եմ որպես բարձրակարգ մասնագետ եվրոպական ինովացիոն խորհրդի աքսելերատորի դատավոր:
Վերջին եռամսյակում EIC-ն (European Innovation Council) ֆինանսավորել է 75 տեխնոլոգիական ստարտափ, ինչը կազմել է 278 մլն եվրո:
Մեր 2020 թվականի բյուջեն մոտ 2 մլրդ եվրո է: Այդ գումարը կներդնեն առաջատար թիմերի եւ տեխնոլոգիաների մեջ։
EIC-ն Եվրոպական հանձնաժողովի խոշորագույն ներդրումային գործիքն է: Այն ֆինանսավորում է high-tech ստարտափները շատ վաղ փուլում, երբ նրանք չեն կարող ստանալ ներդրումներ և շահավետ չեն: Մենք վստահում ենք մեր եվրոպական տաղանդին։
Ի դեպ, հայկական ստարտափները “Հորիզոն 2020” ծրագրի մի մասն են»։
Հիշեցնենք, որ «Հորիզոն 2020»-ը ԵՄ հետազոտության և նորարարության ամենաընդգրկուն ծրագիրն է, որի բյուջեն նախատեսված 7 տարիների համար (2014-ից 2020-ը) կազմում է մոտ 80 միլիարդ եվրո: Ծրագիրը միտված է տնտեսության զարգացմանը և կապակցելու է նորարարությունն ու հետազոտությունը` փորձելով հասնել այնպիսի գործընթացների իրականացմանը, ինչպիսիք են գիտության գերազանցությունը, արդյունաբերության առաջնայնությունը և հասարակական մարտահրավերների դիմակայությունը: