Հայաստանի Ամերիկյան Համալսարանը (ՀԱՀ) և PicsArt-ը հայտարարել են արհեստական բանականության (AI) լաբորատորիայի բացման մասին։ Այստեղ դասախոսները և ուսանողները կկարողանան անցկացնել մեքենայական ուսուցման և համակարգչային տեսության ոլորտում առաջատար հետազոտություններ: Սա ՀԱՀ-ի ուսանողների համար եզակի հնարավորություն է ձեռք բերելու հետազոտական փորձ` բացի ծրագրային ապահովման հետ կապված հմտություններից, որոնք բարձր են գնահատվում ՏՏ ընկերությունների կողմից:
ՀԱՀ-ը և PicsArt-ը միասին աշխատում են նոր մոդելի ստեղծման վրա, որը կնպաստի գիտության և հետազոտությունների զարգացմանը` միաժամանակ ավելացնելով գիտական և մասնագիտական ներուժը արհեստական բանականության ոլորտում:
«Արհեստական բանականությունը արագորեն զարգանում է ամբողջ աշխարհում, և կարծում եմ, որ հիմա ժամանակն է որևէ հիմք դնել Հայաստանում: Մենք շատ ոգևորված ենք PicsArt-ի հետ միասին AI Lab-ի ստեղծմամբ, որպեսզի ընդլայնենք մեր հետազոտությունները այս ոլորտում։ Ակնկալում եմ տեսնել, թե ինչպես է այս նոր նախաձեռնությունը օգնում մեզ մեկ քայլ առաջ անել և զարմացնել այլ երկրներին», – ասաց ՀԱՀ-ի նախագահ դոկտոր Կարին Մարկիդեսը:
AI Lab աշխատանքի կանցնեն ՀԱՀ-ի երկու դասախոսներ, առաջատար հետազոտողներ և ՀԱՀ-ի Ագեան բնագիտության և ճարտարագիտության ֆակուլտետի մոտ 15 ուսանող, որոնք մասնագիտանում են համակարգչային գիտության և տվյալների հետ աշխատանքի վրա: Ուսանողները սովորելու են, թե ինչպես հետազոտություններ կատարել մեքենայական ուսուցման և համակարգչային տեսության ոլորտում: PicsArt-ի մեքենայական ուսուցման մասնագետները և ՀԱՀ-ի դասախոսները կսկսեն ուսուցումը 2020 թվականի հունվարից: Վեց շաբաթ տևողությամբ դասընթացներից հետո AI Lab-ը կվարձի լավագույն ուսանողներին:
«Ես իսկապես ոգևորված եմ այս նախագծով և դա պայմանավորված է երեք հիմնական պատճառներով. իմ փորձը AI-ի ոլորտում, ՀԱՀ-ի հետ կապը և Հայաստանի հեռանկարները: Ես հավատում եմ, որ սա մեր համագործակցության առաջին քայլն է, և միասին մենք կարող ենք անել ավելին», – ասաց PicsArt-ի հիմնադիր Հովհաննես Ավոյանը:
Քանի որ արհեստական բանականությունը արագ զարգացող ոլորտ է, անհրաժեշտ է, որ ուսանողները, որոնք սովորում են այս կամ հարակից ոլորտներում, ստանան բարձրորակ կրթություն և ձեռք բերեն առաջատար հմտություններ հետազոտություններ կատարելու համար, ինչը նրանց մրցունակ կդարձնի աշխատաշուկայում: