RINArmenia-ն Ձեռնարկությունների ինկուբատոր հիմնադրամի և Գյումրու տեխնոլոգիական կենտրոնի աջակցությամբ անցկացնում է «Meet RINA» ծրագրի բաց դասը, որի ընթացքում մասնակիցները հնարավորություն կունենան ծանոթանալու RINA-ին՝ ապագայի ինտերնետին:
Բաց դասին կարող են մասնակցել բոլոր նրանք, ովքեր հետաքրքրված են՝
– Ի՞նչպես է աշխատում ինտերնետն այսօր,
– Որո՞նք են ցանցային ճարտարապետության ներկայիս խնդիրները,
– Ի՞նչ է RINA-ն և ինչո՞ւ է այն համարվում վաղվա համացանց։
Հանդիպումը տեղի կունենա մարտի 20-ին՝ ժամը 15:30-ին Գյումրու տեխնոլոգիական կենտրոնում։ Մասնակիցները հնարավորություն կունենան՝
– ուսումնասիրել համացանցի հիմքերը,
– հասկանալ հեռահաղորդակցման գործընթացի հիմնարար սկզբունքները և TCP/IP, RINA-ի մեխանիզմների հիմքում ընկած հասկացությունները ,
– բացահայտել ցանցային ճարտարապետության արդի թերությունները,
– ճանաչել ապագա սերնդի ցանցային համակարգի նորությունները:
Միջոցառման մուտքն ազատ է։ Հանդիպման լեզուն հայերենն է, տերմինները՝ անգլերեն։
Մասնակցության համար մինչև մարտի 19-ը ժամը 18։00-ն հարկավոր է լրացնել կից հղմամբ հայտաձևը։