ԹՈՒՄՈ-ն կնվիրի 50 համակարգիչ երեխաներին, ովքեր չեն կարողանում մասնակցել առցանց դասերին։ Ստեղծարար տեխնոլոգիաների կենտրոնը իր ֆեյսբուքյան էջում գրել է․
«Արագ արձագանքելով ՀՀ կրթության, գիտության, մշակույթի և սպորտի նախարարության կոչին՝ ուրախ ենք հայտնել, որ Թումոն նախարարությանը կնվիրի 50 լավ վիճակում գտնվող iMac համակարգիչներ, որոնք կհատկացվեն այն երեխաներին, ովքեր չեն կարողանում մասնակցել առցանց դասերին համակարգիչ չունենալու պատճառով։
Դիմում ենք ՏՏ ընկերություններին, հիմնադրամներին, մեր բոլոր գործընկերներին՝ միանալ այս նախաձեռնությանը, որպեսզի ոչ մի երեխա չկտրվի իր կրթական ուղուց»: