FAST-ը կազմակերպում է «1991 ստորաբաժանման» նախապատրաստական երկրորդ դասընթացը Հայաստանի բոլոր մարզերում։
Տվյալագիտության և արհեստական բանականության ոլորտների վերաբերյալ FAST-ի 6-ամսյա անվճար դասընթացին կարող են դիմել թե տղաները, թե աղջիկները:
Նախապատրաստական դասընթացին կարող են դիմել
– զորակոչի ենթակա տղաները, սակայն նախապատվությունը կտրվի 2020 թվականի ձմեռային զորակոչի ենթակա երիտասարդներին,
– երիտասարդ աղջիկները, ովքեր ունեն ԳՏՃՄ ոլորտի (գիտություն, տեխնոլոգիա, ճարտարագիտություն և մաթեմատիկա) առնվազն բակալավրի աստիճան և դասընթացն ավարտելուց հետո պատրաստ են ներգրավվելու ՀՀ ՊՆ առաջադրած նախագծերում կամավոր կամ պայմանագրային հիմունքներով։
Դասընթացները կկազմակերպվեն մարզային վերապատրաստման կենտրոններում, կամ՝ առցանց։
Դասընթացին մասնակցելու վերջնաժամկետն է հունիսի 8-ը։ Գրանցման համար կարող եք անցնել հետևյալ հղումով։