Տեղի կունենա «դաս&աց» նախագծի հերթական հանդիպումը որակի ապահովման վերաբերյալ

Ներկայումս ՏՏ ոլորտում բավականին մեծ տեմպերով աճում է որակի ապահովման մասնագետների պահանջարկը։ Ծրագիր ստեղծելիս շատ կարևոր է նախատեսված պահանջներին համապատասխանության ստուգումը, մշակման գործընթացում աննկատ մնացած սխալները հայտնաբերելը և դրանց շտկմանը ծրագրավորողին ուղղորդելը, որի համար պատասխանատու է QA մասնագետը։

Որակի վերահսկողությունը նպաստում է աշխատանքի սահուն ընթացքի ապահովմանը և արդյունավետության բարելավմանը, ինչպես նաև հաճախորդների մոտ վստահության բարձրացմանը։

«դաս&աց» նախագծի այս թողարկման հյուրն է, PicsArt ընկերության որակի ապահովման առաջատար մասնագետ՝ Սարգիս Սարգսյանը։

Դասընթացի ընթացքում մասնակիցները կծանոթանան թեստավորման գործընթացի հիմնական գործողություններին և թեստավորման նախագծման հիմնական եղանակներին․

– Թեստավորման հիմունքները,

– Թեստավորման կոնցեպտներ,

– Manual Testing-ի և Automated Testing-ի առանձնահատկությունները,

– Թեստավորման հիմնական գործընթացները,

– Թեստավորման մոտեցումները և նպատակները,

– Թեստավորման ստատիկ և դինամիկ տեխնիկաները,

– Թեստավորման գործիքները,

– Թեստավորման կառավարումը։

Դասընթացը տեղի կունենա հուլիսի 1-ին, ժամը 18։00-ին: