Categories: News

ՀՀ Գիտության կոմիտեն հայտարարել է երկու դրամաշնորհային մրցույթ

ՀՀ Գիտության կոմիտեն հայտարարել է երկու նոր մրցույթ: “Մրցույթներից մեկի նպատակն է աջակցել նոր գիտական խմբերի կամ լաբորատորիաների ստեղծմանը, մյուսն ուղղված է արդեն գործող գիտական խմբերի կամ լաբորատորիաների ամրապնդմանը” – նշված է կոմիտեի գրառման մեջ։

Դրամաշնորհները կտրամադրվեն 36 ամիս տևողությամբ, 4-5 անձից բաղկացած գիտահետազոտական խմբերի ղեկավարների նախաձեռնությամբ ներկայացված և մրցութային կարգով ընտրված հավակնոտ, բեկումնային և իրագործելի թեմաներին, որոնք կարող են լինել գիտական և գիտատեխնիկական գործունեության բոլոր բնագավառների մասնագիտություններով:

Թեմաները պետք է իրականացվեն ՀՀ պետական բյուջեի գիտական և գիտատեխնիկական գործունեության բազային ֆինանսավորման ծրագրով ֆինանսավորվող կազմակերպությունում:

Հայտերի ներկայացման վերջնաժամկետը 2020 թ. օգոստոսի 21-ն է:

Հավելյալ տեղեկություն ստանալու համար կարող եք անցնել հետևյալ հղումով։

Share