Հոկտեմբեր, 2021
October 2021
M T W T F S S
 123
45678910
11121314151617
18192021222324
25262728293031
Բացվել է SciNova կրթական ծրագիրը
News 16/02/2021 12:33

Փետրվարի 13-ին Հայաստանի ազգային ագրարային համալսարանում տեղի է ունեցել Հայաստանի գիտության եւ տեխնոլոգիաների հիմնադրամի կողմից իրականացվող SciNova կրթական ծրագրի բացման արարողությունը։

Այս ծրագրի նպատակն է ՀՀ ուսանողներին զինել գիտ. հետազոտության իրականացման ու գիտության առեւտրայնացման արդի հմտություններով։ Ծրագիրն իրականացվում է «Ստեղծարար միտքը» (Creative Spark) նախաձեռնության շրջանակներում Ասթոնի համալսարանի հետ համատեղ եւ ֆինանսավորվում է Բրիտանական խորհրդի կողմից։

Ծրագրի շրջանակներում մշակված «Գիտ.հետ. մեթոդաբանություն եւ գիտության առեւտրայնացում» դասընթացը կպիլոտավորվի Հայաստանի ազգային ագրարային համալսարանում փետրվարից հունիսն ընկած ժամանակահատվածում:

Հայաստանի ազգային ագրարային համալսարանը նախատեսում է դասընթացը պաշտոնապես ներառել 2021-2022թթ. ակադեմիական ծրագրում։ Ծրագրի շրջանակներում նախատեսվում է իրականացնել նաեւ դասախոսների վերապատրաստում։

Միջոցառման ընթացքում ելույթ ունեցած բոլոր բանախոսները շեշտեցին ծրագրի կարեւորությունն ու երկարաժամկետ դրական ազդեցությունը գիտական հետազոտությունների եւ գիտության առեւտրայնացման բնագավառներում։