«Ձեռնարկությունների ինկուբատոր» հիմնադրամը շարունակում է ներկայացնել «Ձեռներեց կանանց հնարավորությունների ընդլայնումն ու առաջխաղացումը ոչ տեխնոլոգիական ոլորտներում՝ տեխնոլոգիական լուծումների կիրառման միջոցով» ծրագրի աքսելերացիոն փուլի մասնակիցների բիզնես գաղափարները։
Վերջին տարիներին շատ են հնչեցվում կոչեր՝ աղբի/թափոնների վերամշակման ու բնապահպանության կարևորության մասին, իսկ «Ձեռներեց կանանց հնարավորությունների ընդլայնումն ու առաջխաղացումը ոչ տեխնոլոգիական ոլորտներում՝ տեխնոլոգիական լուծումների կիրառման միջոցով» ծրագրի աքսելերացիոն փուլի մասնակից թիմերից մեկը, կոչերի փոխարեն, նախաձեռնում է հագուստի վերամշակման գործընթացի իրականացում։
Նախաձեռնության շրջանակում նախատեսվում է հավաքել անպիտան կամ չօգտագործված հագուստ, տեսակավորել դրանք, այնուհետև վերամշակել` հումք ստեղծելով տարբեր արդյունաբերական արտադրատեսակների համար։ Ծրագրի շնորհիվ հնարավոր կլինի վերամշակման գործընթացում ներդնել տեխնոլոգիական լուծումներ` այն առավել նորարական դարձնելու համար:
