Թումոցիները մարտի 9-ից ամբողջությամբ վերադառնում են Թումո-լսարաններ: Ինքնուսուցման սեսիաները և դասընթացները կանցնեն Թումոյի տարածքում և այլևս հասանելի չեն լինի առցանց:
Կարևոր տեղեկություններ ուսանողների համար`

• Եթե մինչ այս մասնակցել եք առցանց դասերին` մտեք Թումո-շավիղ տնից և ընտրեք ձեր նոր դասաժամերը, որոնցով կվերսկսեք ֆիզիկական դասերը:
• Եթե արդեն սկսել եք մասնակցել դասերին Թումոյից, ուրեմն գնացեք Թումո ձեր դասի ժամին և տեղում Շավիղով հաստատեք դասաժամը կամ փոխեք այն:

Թումո կենտրոններում կապահովվեն և կպահպանվեն անհրաժեշտ բոլոր պայմանները և պահանջները.

• մուտքը միայն դիմակով և ջերմաչափվելով,
• 1 մետր ֆիզիկական հեռավորություն հարթակներում ու դասասենյակներում,
• տարածքի պարտադիր ախտահանում յուրաքանչյուր դասաժամից առաջ,
• ուժեղացված օդափոխություն,
• Թումոյի անձնակազմի շաբաթական COVID թեստավորում: