2021 թվականի հունիսի 5-ին տեղի կունենա հերթական Reinvent by Renderforest թվային համաժողովը։ Այս տարի ավելի քան 40 առաջատար փորձագետներ կներկայացնեն իրենց նորարարական մտքերը տեղեկատվական տեխնոլոգիաների, թվային մարքեթինգի, դիզայնի, անիմացիոն դիզայնի, ձեռներեցության և այլ հարակից ոլորտների շուրջ։

«Ոգեշնչի՛ր նորարարություն» կարգախոսով այս միջոցառումը կհյուրընկալի ավելի քան 1200 մասնակիցների, որոնք հնարավորություն կստանան ծանոթանալ նշված ոլորտների նորություններին, լսել խոսնակների ելույթները, մասնակցել քննարկումներին և ընդլայնել իրենց ծանոթությունների շրջանակը։ 

Համաժողովի նպատակն է մոտիվացնել և ոգեշնչել մարդկանց մտնել իրենց հետաքրքրող ոլորտներ՝ հեռանկարային մասնագիտություններ ձեռք բերելու համար, և խթանել շրջադարձային նորարարությունը՝ Հայաստանի ապագան վերակառուցելու համար։ 

Միջոցառումը տեղի կունենա Renderforest ընկերության գրասենյակում՝ Պարույր Սևակ 11/1 հասցեով։

Renderforest-ը առցանց բրենդավորման հարթակ է, որը տրամադրում է բազմաֆունկցիոնալ գործիքներ որակյալ տեսահոլովակների, անիմացիոն հոլովակների, պրեզենտացիաների, սոցցանցերի վիզուալների, լոգոների, և կայքերի ստեղծման համար։ Ընկերությունն այժմ ունի ավելի քան 14 միլիոն օգտատեր, ովքեր ստեղծել են ավելի քան 50 միլիոն պրոեկտներ։