News
30/07/2021 15:44
Ներկայացնում ենք «Էլեկտրոնային սարքեր և չափիչ համակարգեր» բազային ամբիոնը, որը գործում է Ինժեներական քաղաքում՝ Հայաստանի ազգային պոլիտեխնիկական համալսարանի ՏՀՏԷ ինստիտուտի կազմում։
Ամբիոնի կողմից իրականացվող կրթական ծրագրերի մասնագիտական դասընթացները, լաբորատոր և հետազոտական աշխատանքներն անց են կացվում Ինժեներական քաղաքում և այնտեղ տեղակայված ընկերություններում։
Այս համագործակցության նպատակն է ներգրավել Ինժեներական քաղաքում առկա առաջատար փորձն ու գիտատեխնիկական ներուժը համալսարանական նոր կրթական ծրագրերի մշակման և դրանց իրականացման, ինչպես նաև կրթություն-արտադրություն երկարաժամկետ ու փոխշահավետ կապի ստեղծման և ամրապնդման համար:
Կրթական ծրագրերի նպատակն է պատրաստել լայն պրոֆիլի նախագծող ճարտարագետներ, ովքեր ի զորու կլինեն ձևակերպել, նախագծել, մշակել և հետազոտել ժամանակակից բարդ ինժեներական սարքավորումներ և համակարգեր:
Ամբիոնում դասավանդում են ինժեներական կրթության բնագավառում մեծ փորձ ունեցող ՀԱՊՀ պրոֆեսորներ և դասախոսներ, ինչպես նաև Ինժեներական քաղաքի ընկերություններում աշխատանքի առաջատար փորձ ունեցող գործող ինժեներներ:
Ամբոնի մասին մանրամասն տեղեկատվությունը՝ www.ecpolytech.am կայքում
