Մարտ, 2024
March 2024
M T W T F S S
 123
45678910
11121314151617
18192021222324
25262728293031
Գյումրու տեղեկատվական տեխնոլոգիաների կենտրոնը սաների հաջողության պատմություններն է ներկայացնում
News 31/08/2021 17:05

Գյումրու տեղեկատվական տեխնոլոգիաների կենտրոնը ներկայացնում է անցկացրած դասընթացների շրջանավարտների հաջողության պատմությունները: Այս անգամ հերոսը Վահան Սանոյանն է, ով սովորել է ՀՊՏՀ Գյումրու մասնաճյուղի Ֆինանսահաշվային ֆակուլտետի «Միջազգային տնտեսական հարաբերություններ» բաժնում։

2020-ի մայիսին նախկին աշխատավայրից (բանկային ոլորտ) հեռանալուց անմիջապես հետո Վահանը մասնակցել է ԳՏՏԿ կազմակերպած Java ծրագրավորման դասերին։

Ըստ Վահանի՝ դասերն անցնում էին շատ հետաքրքիր և բազմաբովանդակ, ինչի համար շնորհակալ է ԳՏՏԿ դասախոսներին՝ Գնունի Գևորգյանի գլխավորությամբ, ում դերը անգնահատելի է համարում։

Միևնույն ժամանակ նա նշում է, որ հիասթափություններ հաղթահարելը ամենամեծ դերն են ունեցել իր հետագա հաջողության համար։

Դասընթացն ավարտելուց հետո Վահանն աշխատանքի է անցել EPAM Armenia-ում` որպես Java Software Engineer։

Այժմ ԳՏՏԿ-ում ավելի քան 200 ուսանող է ծրագրավորում սովորում:

ԳՏՏԿ-ում դասավանդվում են հետևյալ ծրագրավորման լեզուները`

C++ / Python,

HTML / CSS / PHP / Laravel,

Java / Android,

HTML / CSS / JavaScript,

iOS (Swift):