Սեպտեմբեր, 2022
September 2022
M T W T F S S
 1234
567891011
12131415161718
19202122232425
2627282930  
EasyDMARC ընկերությունը բացում է իր առաջին գրասենյակը Հայաստանում 
News 08/09/2021 10:44

EasyDMARC- ը հայտարարում է Երևանում իր նոր գրասենյակի բացման մասին:

Որպես աշխարհում ամենաարագ զարգացող էլ.փոստի անվտանգության լուծումներ տրամադրող ընկերություններից մեկի՝ EasyDMARC- ի նպատակն է ստեղծել աշխարհի ամենամեծ միասնական էկոհամակարգը, որը կնվազեցնի կիբերհանցագործությունների ծավալը համացանցում: Ընկերության կողմից ստեղծված տեխնոլոգիական լուծումը ապահովում է բիզնեսի անվտանգությունը կիբերտիրույթում: Գործիքը թույլ չի տալիս ընկերություններին դառնալ տվյալների արտահոսքի և ֆինանսական կորուստների զոհ, արգելափակելով էլ.փոստի ֆիշինգ հարձակումները և դոմենների չարտոնված օգտագործումը: EasyDMARC- ի տրամադրած լուծումները հեշտ են ինտեգրվում եւ չեն պահանջում հատուկ փորձառություն, այդ իսկ պատճառով հնարավորություն են տալիս հաճախորդներին կենտրոնանալ իրենց բիզնես նպատակների իրագործման վրա, այլ ոչ թե զբաղվել անվտանգության հետ կապված անհանգստություններով և մտահոգություններով:

«Մենք չափազանց ուրախ ենք, որ հնարավորություն ունենք մեր աշխատակիցներին առաջարկել համաշխարհային ստանդարտներին համապատասխան գրասենյակային տարածք, որտեղ նրանք անցկացնում են իրենց օրվա մեծ մասը», -նշում է ընկերության համահիմնադիր և տնօրեն Գերասիմ Հովհաննիսյանը: «Մենք տեղափոխվել ենք ընդարձակ և հարմարավետ գրասենյակ, որը կոգեշնչի բոլորիս շարունակել ծառայել մեր առաքելությանը»:

«Ինչպես որ մարդը երջանիկ է զգում իրեն տանը, այնպես էլ մենք ցանկանում ենք, որ մեր թիմակիցները երջանիկ լինեն աշխատանքի վայրում: Կարծում եմ, որ մենք իրագործեցինք այդ նպատակը», նշում է EasyDMARC- ի համահիմնադիր և տեխնիկական գծով տնօրեն Ավագ Առաքելյանը:

«Մենք մեր ներկայությունն ենք հաստատում Հայաստանում, Ամերիկայում և Եվրոպայում, որպեսզի կարողանանք ավելի մոտ լինել մեր հաճախորդներին և էլ ավելի մեծացնենք մեր ծառայության հնարավորություններն աշխարհի արագ զարգացող շուկաներում», նշում է Գերասիմ Հովհաննիսյանը:

EasyDMARC- ը կառուցում է աշխարհում ամենամեծ DMARC էկոհամակարգը: Ընկերության պրոդուկտը հեշտացնում է DMARC- ի կարգավորումը և տալիս է լուծումներ, որոնք նվազագույն փորձագիտական գիտելիք են պահանջում հաճախորդներից: