ՁԻՀ-ը մեկնարկել է ճարտարագիտության ոլորտի 2021թ-ի դասընթացների շարքը հետևյալ թեմաներով․
«Arduino կիրառություններ»,
«Մեքենայական ուսուցման հիմունքներ»,
«Կիրառական էլեկտրոնիկա»,
«Ազդանշանների ուժեղացում և մշակում»։
Ավելի քան 100 դիմորդներից ընտրված 46 մասնակիցներ հնարավորություն են ստացել ընդգրկվելու ԱՆՎՃԱՐ հիմունքներով և PMI Science R&D կենտրոնի ժամանակակից սարքերով հագեցած կրթական լաբորատորիայում անցկացվող դասընթացներին։
Հիշեցնենք, որ դասընթացներն իրականացվում են «Ձեռնարկությունների ինկուբատոր» հիմնադրամի (ՁԻՀ), Հայաստանի ազգային պոլիտեխնիկական համալսարանի (ՀԱՊՀ), Հայաստանի ազգային ճարտարագիտական լաբորատորիաների (ՀԱՃԼ) հետ համատեղ և PMI Science-ի աջակցությամբ: