![ԳՏՏԿ-ն և BAJ Accelerator-ը համատեղ մեկնարկում են «Pre-Incubation» ծրագիրը](https://starthub.am/pub/uploads/2022/01/269690465_2991289527754494_4260334403563423289_n-e1642671211684-1280x950.jpg)
ԳՏՏԿ-ն և BAJ Accelerator-ը համատեղ մեկնարկում են «Pre-Incubation» ծրագիրը։
Ծրագրի նպատակն է աջակցել ձեռնարկատիրական հմտությունների զարգացմանը, նորարարական գաղափարների ձևավորմանը և վերջիններիս՝ սպառողի կողմից պահանջված պրոդուկտի վերածմանը:
«Pre-Incubation» ծրագիրը մշակված է ԳՏՏԿ-ի և Baj Accelerator-ի միջազգային փորձ ունեցող մասնագետների կողմից և ներառում է ձեռներեցության հիմունքներ, գաղափարի ձևավորում և վալիդացիա, շուկայի սեգմենտավորում, թիրախավորում, ֆինանսների ներգրավում:
Ծրագիրն իրականացվելու է առցանց: Դասավանդելու են BAJ Accelerator-ի և Orion Worldwide բարձրակարգ մասնագետները:
Ծրագիրը մեկնարկելու է փետրվարին: Դասընթացի ավարտին մասնակիցները հնարավորություն կունենան համագործակցել Orion Worldwide Innovation-ի հայաստանյան գրասենյակի հետ։
Ծրագրի լավագույն շրջանավարտները կարող են անցնել ուսումնական փորձառություն Embodied, Scylla և Cognize միջազգային ճանաչում ունեցող ընկերություններում։
Մանրամասների համար խնդրում ենք գրել ԳՏՏԿ-ի ՖԲ-յան էջին կամ զանգահարել +374 94 034034: