Հունիս, 2022
June 2022
M T W T F S S
 12345
6789101112
13141516171819
20212223242526
27282930  
Մեկնարկել է Հետազոտական աշխատանքների ֆինանսավորման ծրագրի հայտերի ընդունումը
News 09/06/2022 22:22

«Ձեռնարկությունների ինկուբատոր» հիմնադրամն ընդլայնել է PMI Science-ի աջակցությամբ իրականացվող գիտական ծրագրերի աշխարհագրությունը։ Այսուհետ ծրագրերին կարող են դիմել նաև մասնագետներ և հետազոտական թիմեր արտերկրից։

Հայաստանի և արտերկրի առաջատար հետազոտական ինստիտուտների, բուհերի և ընկերությունների հետազոտական թիմերը կարող են ներկայացնել իրենց առաջարկները Հետազոտական աշխատանքների ֆինանսավորման (Faculty Research Funding) 2022թ-ի ծրագրին։

Ծրագրի հիմնական նպատակն է տրամադրել ֆինանսավորում և համակարգված օժանդակություն տարբեր գիտական ուղղությունների հետազոտական թիմերի։

Ծրագրի շրջանակում ընտրված մինչև 15 հետազոտական թիմերն իրենց հետազոտական ծրագրերն իրականացնելու համար կստանան ֆինանսավորում՝ յուրաքանչյուրը շուրջ 7 մլն ՀՀ դրամի չափով, ինչպես նաև մասնագիտական աջակցություն։

Հայտերի ներկայացման վերջնաժամկետն է 2022թ. հունիսի 15-ը, ժ. 23։59 (Երևանի ժամանակով)։

Մանրամասների համար՝ https://bit.ly/3aajJuR

Շուրջ 5 տարի «Ձեռնարկությունների ինկուբատոր» հիմնադրամը՝ PMI Science-ի աջակցությամբ իրականացնում է գիտական էկոհամակարգի զարգացմանն ուղղված այս ծրագրերը՝ աջակցելով գիտնականներին, տրամադրելով ֆինանսավորում և օժանդակություն իրենց հետազոտական և գիտական նախագծերի համար։

2018թ-ից ի վեր 12 համալսարանների և հետազոտական ինստիտուտների 40 ասպիրանտներ արդեն ներգրավվել են Ասպիրանտների աջակցության (The PhD Support Program) ծրագրում, իսկ 19 հետազոտական ինստիտուտների և համալսարանների 61 հետազոտական թիմեր՝ դարձել Հետազոտական աշխատանքների ֆինանսավորման (Faculty Research Funding) ծրագրի շահառուներ՝ գրանցելով հսկայական առաջընթաց իրենց հետազոտություններում։