Հրավիրյալ հետազոտողներ ծրագրի շրջանակում Հայաստանում է Նանտի համալսարանի (Ֆրանսիա) պատվավոր պրոֆեսոր, կենսատեխնոլոգ, ՀՀ ԳԱԱ արտասահմանյան անդամ Վեհարի Սաքանյանը:

Այցի շրջանակում պրոֆեսոր Սաքանյանը, մասնավորապես, հանդես կգա դասախոսություններով հետևյալ թեմաների շուրջ՝

• Հոկտեմբերի 18՝ 16:00 – 17:30 – Ագրեսիվ քաղցկեղի դեմ պայքարի միտումները

  Հոկտեմբերի 19՝ 16:00 – 17:30 – Սքրինինգի նոր մեթոդներ կենսատեխնոլոգիայի ոլորտում

• Վայրը՝ Երևանի պետական բժշկական համալսարանի ՔՈԲՐԵՅՆ կենտրոն (Լաբորատոր մասնաշենք, առաջին հարկ)
• Լեզուն՝ հայերեն
• Մուտքն՝ ազատ

Դասախոսություններին կհաջորդի հարց ու պատասխան:

Հրավիրյալ հետազոտողներ ծրագիրն իրականացնում է «Ձեռնարկությունների ինկուբատոր» հիմնադրամը՝ PMI Science-ի աջակցությամբ։ Ծրագրի նպատակն է արտերկրի համալսարանների, գիտահետազոտական ինստիտուտների և ընկերությունների հետազոտողների հետ համագործակցությամբ խթանել համատեղ հետազոտական աշխատանքների արդյունավետությունը և միջազգային համագործակցությունը: