«Այսօր պատմական օր է Հայաստանի համար՝ փոքր, բայց հաստատ պատմական», – այս կարծիքին է Krisp-ի համահիմնադիր Դավիթ Բաղդասարյանը։
Հնդկական SkyRoot տիեզերական ընկերությունը ենթաուղեծրային հրթիռ է արձակել, որի մեջ Հայաստանում նախագծված փոքրիկ սարք է տեղադրած՝ Հայաստանի դրոշը վրան պատկերված:
«Մեր սիրելի դրոշն առաջին անգամ է այսքան բարձր տեղ հայտնվել», – նկատում է Դավիթ Բաղդասարյանը, – «Այդ սարքը նախագծել են Այբ դպրոցի աշակերտները, և դրա նպատակը չափումներ անելն էր։ Այնտեղ գտնվեց 3 րոպե և վերադարձավ»:
SkyRoot-ի ներդրողներից մեկը հայ է: Նա մեր մեկ այլ հայրենակցի՝ Ներսես Օհանյանին ծանոթացրել է SkyRoot-ի հիմնադիրի հետ: Ներսեսը նախորդ տարի նրան հրավիրե է Հայաստան՝ մասնակցելու DigiTech-ին։ Այնուհետև SkyRoot-ի հիմնադրին ծանոթացրել են Bazoomq Space Research Lab-ի հետ։
Այստեղ էլ առաջացել է միտք, որ հայ դպրոցականները կարող են սարք նախագծել և տեղադրել այդ հրթիռի մեջ։
HyeTech-ը և Bazoomq Space Research Lab-ը բաց մրցույթ է կազմակերպվել դպրոցների միջև: Հաղթել է «Այբ» դպրոցի թիմը։
«Այսպես է աշխատում աշխարհը։ Մարդիկ, ծանոթություններ, փոխվստահություն, աշխատանք, որին հետևում է արդյունքը»:
Հիշեցնենք, որ «Այբ» դպրոցի նախագծային ուսումնառության ինժեներական ակումբի Ad Astra թիմը դարձել է 2022 թ. Քեմուրջյանի անվան համաերիտասարդական տիեզերքի մրցույթի հաղթող։
