Հունիս, 2024
June 2024
M T W T F S S
 12
3456789
10111213141516
17181920212223
24252627282930
ՏՏ ոլորտի սկսնակ ընկերություններին տրվող հարկային արտոնության ժամկետը երկարաձգվում է ևս մեկ տարով
News 22/12/2023 22:22

ՏՏ ոլորտի սկսնակ ընկերություններին տրվող՝ եկամտային հարկի մասով արտոնության ժամկետը կերկարաձգվի մինչև 2024-ի դեկտեմբերի 31-ը: «Տեղեկատվական տեխնոլոգիաների ոլորտի պետական աջակցության մասին» օրենքում փոփոխություններ և լրացում կատարելու մասին և կից ներկայացված օրենքների նախագծերի փաթեթով նախատեսվում է նախկինում ՏՏ ոլորտին տրվող աջակցության՝ շահութահարկի արտոնության վերացում և եկամտային հարկի մասով արտոնության ժամկետի երկարաձգում մեկ տարով:

Օրենքի գործողության ժամկետն արդեն երկրորդ անգամ է երկարաձգվում: Գործող օրենքով՝ ՏՏ ոլորտի նոր ստեղծվող, սկսնակ տնտեսվարող սուբյեկտներին տրամադրվում է հարկային արտոնություններ, մասնավորապես՝ շահութահարկի 0% դրույքաչափի և եկամտային հարկի 10% դրույքաչափի կիրառմամբ:

Մինչդեռ նախագծով առաջարկվում է հարկային արտոնության տեսքով պետական աջակցություն տրամադրումը երկարաձգել մինչև 2024-ի դեկտեմբերի 31-ը ներառյալ՝ արտոնություն նախատեսելով միայն եկամտային հարկի 10%-ի չափով: