Ղեկավարները շաբաթական շուրջ 23 ժամ աշխատաժողովներ են անում, բայց նրանցից քչերն են դա արդյունավետ ու ժամանակի ճիշտ կառավարմամբ գործընթաց համարում: Արհեստական բանականության ներգրավումն այս գործընթացում՝ ի թիվս իր բազմաթիվ գործիքների, այն առավել օպտիմալ ու արդյունավետ է դարձնում:
Ընկերությունների մի մասը բոթերի օգնությամբ գրառումներ, նշումներ է անում, մի մասն էլ օգտվում է միկրոֆոնի ու բարձրախոսների հնարավորությունից:
Արհեստական բանականության ու բարձր տեխնոլոգիաների կիրառմամբ մի շարք ընկերություններ օգտատերերին կարևոր գործիքներ են առաջարկում՝ աշխատանքային գործընթացն առավել արդյունավետ ու պարզ դարձնելու համար:
Ի թիվս այլ հեղինակավոր գործիքների՝ հեղինակավոր Time պարբերականն ու charterworks-ը ներառել են նաև հայկական Krisp-ը:
Krisp-ը նշումներ անող հավելված է՝ առանց բոթերի կիրառման, չնայած դրա պրոֆեսիոնալ տարբերակը ներառում է բոթերի ձայնագրման բետա տարբերակը: Krisp-ը լավագույն գործիքների ցանկում է ներառվել իր գերազանց օգտագործելիության և պրեմիում հատկանիշների, ինչպես նաև մրցունակ գնի համար:
Krisp-ը ձայնագրում է հանդիպումները՝ օգտագործելով ձեր համակարգչի խոսափողն ու բարձրախոսները, ինչը նշանակում է, որ կարիք չկա բոթ ավելացնել հանդիպումներին, որոնք կարող են շեղել մասնակիցների ուշադրությունը:
Ստեղծում է ճշգրիտ ամփոփագրեր և արձանագրություններ հանդիպումների համար:
Հավելվածն ունի վիջեթ գործիքագոտի, որը թույլ է տալիս օգտատերերին հեշտությամբ միացնել և անջատել նշում կատարող գործիքը, կարգավորել խոսափողի և բարձրախոսի կարգավորումները և նույնիսկ դիտել և միանալ առաջիկա հանդիպումներին:
Krisp-ի անվճար տարբերակում էլ կան բազմաթիվ արդյունավետ գործիքներ, իսկ ամսական բաժանորդագրությունը շատ մատչելի է՝ ընդամենը 12 դոլար:
Լավագույն գործիքների ցանկը գլխավորում է Circleback-ը: Հայկական ընկերությունը երկրորդն է:
