Հոկտեմբերի 5-ից 7-ը կկայանա ամենամյա «DigiTecExpo»-ը՝ տարածաշրջանի ամենամեծ տեխնոլոգիական ցուցահանդեսը։ Այս մասին «StartHub»-ը տեղեկացավ միջոցառման ֆեյսբուքյան էջից։
«DigiTec2018-ին ակնկալվում է մոտ 120 մասնակից ընկերություն և ավելի քան 60,000 այցելու, այդ թվում՝ պաշտոնական պատվիրակություններ և մասնակիցներ՝ ավելի քան 15 երկրներից»,- գրված է հրապարակման մեջ։
Նշենք, որ այս ցուցահանդեսն ապահովում է B2B, B2C, B2G շփումը և միավորում է հայաստանյան, միջազգային ՏՏ ոլորտի առաջատարներին՝ հասարակությանը ներկայացնելով շուկայի վերջին թրենդներն ու նորարարությունները։
Ցուցահանդեսի մասին ավելի մանրամասն կարելի է տեղեկանալ նշված հղումով: