Հոկտեմբերի 13-ին, Նյու Յորքի Կոլումբիա Իրավաբանական Համալսարանում տեղի կունենա Հայ-իրավաբանական միության (Armenian Bar Association) կողմից իրականացվող «StartUp Revolution – որոնք են ձեր իրավունքները և ինչպես դրանք պաշտպանել» խորագրով կոնֆերանս: Այս մասին «StartHub»-ը տեղեկացավ միջոցառման ֆեյսբուքյան էջից։
Հանդիպումը կհեռարձակվի ուղիղ հեռարձակմամբ ողջ աշխարհում։ Հայաստանում հանդիպումը կհեռարձակվի հետևյալ հասցեներով՝
Երևան – Beeline Startup Incubator (Հյուսիսային Պողոտա 4)
Գյումրի – Գյումրու Տեխնոլոգիական Կենտրոն (Գայի 1)
Վանաձոր – Վանաձորի Տեխնոլոգիական Կենտրոն (Շինարարների փող. 12)
Բոլոր ցանկացողները կարող են միանալ տեղական ժամանակով ժամը՝ 16:30-24:30 հոկտեմբերի 13-ին Երևանում, Գյումրիում և Վանաձորում անցկացվելիք վեբ-հեռարձակմանը։
Կոնֆերանսը բաղկացած է լինելու հետևյալ 4 թեմաների շուրջ քննարկումներից՝
-Ինչպես ստեղծել և զարգացնել սեփական startup-ը
-Ինչպես պահպանել մտավոր սեփականությունը
-Մարտահրավերներ և հնարավորություններ Հայաստանում գործող startup բիզնեսների համար
-Մտավոր սեփականության իրավունքների պաշտպանության գործառույթները և ինչպես պաշտպանել սեփական առևտրային գաղտնիքը։
Օնլայն հեռարձակման մասին ավելի մանրամասն կարելի է տեղեկանալ նշված հղումով։