Հունիս, 2021
June 2021
M T W T F S S
 123456
78910111213
14151617181920
21222324252627
282930  
Մեկնարկել է «Նորարարության կառավարում» մենթորային ծրագրի հայտերի ընդունումը
News 16/10/2018 13:07

Ձեռնարկությունների եվրոպական ցանցը (ՁԵՑ) ՏՏ ոլորտում գործող ՓՄՁ սուբյեկտներին հրավիրում է մասնակցել «Նորարարության կառավարում» թեմայով մենթորային ծրագրին: Այս մասին «StartHub»-ը տեղեկացավ ՁԵՑ-պաշտոնական կայքից։

Ծրագրի հիմնական նպատակն է՝ «Նորարարության կառավարում» թեմայով իրականացնել մենթորային դասընթաց ՏՏ ոլորտում գործող առնվազն 10 ընկերությունների համար: Այնուհետև, նշված 10 ընկերություններից ընտրված 5 ընկերությունների համար կազմակերպել անհատական ուղեկցում՝ նորարարության կոմերցիալիզացիայի և անհատական ճանապարհային քարտեզի մշակման ուղղությամբ:

Ծրագրին կարող են մասնակցել ՏՏ ոլորտում գործող ՓՄՁ-ներ, որոնք՝

– առաջարկում են արդիական խնդիրների լուծումներ,

– ունեն մշակված նորարարական գաղափար և/կամ պրոդուկտ,

– ունեն բիզնես պլան՝ այդ թվում ֆինանսական վերլուծություններ և անհրաժեշտ ներդրման գումարի հաշվարկներ,

– ունեն գործառույթներն իրականացնելու համար անհրաժեշտ բազմապրոֆիլ թիմ,

– ունեն նորարարական գաղափար և/կամ պրոդուկտ, որը ենթակա է միջազգայնացման։

Ծրագրի ավարտին ընտրված առնվազն 5 ընկերությունները մասնագետների կողմից կստանան անհատական խորհրդատվություն, կմշակվի անհատական ճանապարհային քարտեզ, ինչպես նաև կունենան նորարարական գործունեության ներդրումային գրավչություն և ֆինանսավորման միջազգային հնարավորություններ (այդ թվում՝ Horizon 2020, ՓՄՁ գործիք, բիզնես աքսելերացիա, սկզբնական ֆինանսավորում (seed capital) և այլն):

Ծրագրին մասնակցելու համար անհրաժեշտ է գրանցվել հետևյալ հղմամբ մինչև հոկտեմբերի 22-ը։

Ծրագրին մասնակցությունն անվճար է։