IE բիզնես դպրոցը և Girls in Tech-ը համատեղ մեկնարկում են «Տեղեկատվական և բիզնես զրույցներ» հանդիպումների շարքը։

Շարքի առաջին հանդիպումը կկայանա նոյեմբերի 14-ին, երեկոյան ժամը 7-ին BURO-ում։

«IE բիզնես դպրոցի հետ համագործակցության նպատակն է կազմակերպել հանդիպումների շարք, որտեղ հնարավոր կլինի հանդիպել փորձառու մասնագետների, ներգրավվել հզոր ցանցում, բացահայտել նոր տեխնիկական և բիզնես ծրագրեր և, իհարկե, նոր ծանոթություններ հաստատել»,- հայտնում են հանդիպման կազմակերպիչները։

Առաջին հանդիպմանը կխոսվի կանանց՝ ՏՏ ոլորտում հաջողության հասնելու նախապայմանների մասին։ Մասնավորապես, ինչպես կարող են վերջիններս ձեռք բերել երազանքի մասնագիտություն ՏՏ ոլորտում։

Մուտքն ազատ է։

Հանդիպմանը մասնակցելու համար անհրաժեշտ է գրանցվել այստեղ։