Սեպտեմբեր, 2021
September 2021
M T W T F S S
 12345
6789101112
13141516171819
20212223242526
27282930  
BANA-ն և Startdoon-ը փոխըմբռնման հուշագիր են ստորագրել
News 13/12/2018 07:04

Դեկտեմբերի 11-ին Հայաստանի Բիզնես հրեշտակների ցանցի (BANA.am) ղեկավար Գրիգոր Հովհաննիսյանն ու Startdoon-ի տնօրեն Հայկ Մնացականյանը փոխըմբռնման հուշագիր են ստորագրել։ Այս մասին «StartHub»-ը տեղեկացավ BANA.am-ի տեղեկատվական ծառայությունից։

Հուշագրի նպատակն է աջակցել հայկական ստարտափ թիմերին՝ միջազգային շուկա դուրս գալու հարցում։ Նաև, ստորագրող կողմերը կօգնեն հարաբերություններ ստեղծել ներդրողների և ստարտափների միջև։

Հայաստանի բիզնես հրեշտակների ցանցը (Business Angel Network of Armenia) աջակցում է ստարտափներին, որոնք սաղմնային փուլում ունեն ներդրումների պակաս։ Տարբեր ոլորտներում հաջողության հասած գործարար-ներդրողներն իրենց փորձը, գիտելիքը, կապերը տրամադրելով, նաև՝ գումար ներդնելով, օգնում են նորաստեղծ թիմերին։

StartDoon հայ-ֆրանսիական ինկուբատորը կապ է ստեղծում ստարտափների և եվրոպացի(մասնավորապես՝ ֆրանսիացի) մենթորների, ներդրողների հետ, աջակցում ներգրավել նոր ներդրումներ, գիտելիք և կապեր: Ներդրողների համար կարևոր է, որ տեղյակ լինեն ոչ միայն թիմի պրոդուկտից, այլև ընթացիկ աշխատանքներից:

Լուսանկարը՝ BANA.am-ի տեղեկատվական ծառայությունից