Ալեքսիս Օհանյանը՝ AI-ի մասին. Ռոբոտը չի կարող փոխարինել վարսավիրիս
News 25-12-2018 11:34

Ամերիկյան Reddit սոցցանցի և Initialized Capital վենչուրային ընկերության համահիմնադիր Ալեքսիս Օհանյանը օրերս հարցազրույց է տվել Ամերիկյան Business Insider ինտերնետ-հրատարակությանը։

Նա, մասնավորապես, անդրադարձել է այն թեմային, թե որքանով կազդի արհեստական բանականության զարգացումը մարդկանց հետագա գործունեության վրա։

Ալեքսիս Օհանյանը նշել է, որ անցումային ժամանակահատվածում մեզ բոլորիս սպասում է «զանգվածային գործազրկություն», ինչի դրական ազդեցությունը զգալի կլինի ավելի ուշ։

Ստորև ներկայացնում ենք վերջինիս հարցազրույցից մեջբերում։

«Վերջերս թվիթերյան էջումս այդ թեմայով բազմաթիվ հրապարակումներ եմ անում։ Պետք է նշել, որ կան աշխատանքի տեսակներ, որտեղ խելացի ռոբոտները ի վիճակի չեն լինի խառնաշփոթ ստեղծել։ Ենթադրենք, ռոբոտը որևէ կերպ չի կարողանա կատարել այն աշխատանքը, որն անում է վարսավիրս։

Դրանք այն հմտություններն են, որոնք իրոք արժեքավոր կլինեն հաջորդ տասնամյակում և նույնիսկ դրանից հետո։ Այս ամենը ճիշտ բրենդավորման արդյունք է։ Բացի այդ, արդեն քոլեջներում ասվում է, որ արհեստներն ավելի մեծ պահանջարկ ունեն, քան բարձրագույն կրթությունը։ Օրինակ՝ սանտեխնիկի և եռակցողի աշխատանքները հիմա շատ մեծ պահանջարկ ունեն, ու հեռավոր ապագայում էլ կպահպանեն իրենց դիրքը։

Այլ պատկեր կլինի մանրածախ առևտրի աշխարհում, երբ ռոբոտներին իրականում կհաջողվի զբաղեցնել մարդկանց տեղը։ Իհարկե, օգտատերերի համար այս ամենը կկրի դրական ազդեցություն, սակայն բազմաթիվ մարդիկ կզրկվեն իրենց աշխատանքներից։ Նույնը կլինի սննդի ոլորտում։

Բայց, կարող եմ նշել ոլորտներ, որտեղ ռոբոտները չեն կարողանա մարդկանց ստրկացնել։ Օրինակ՝ քույրս բուժքույր է, և ես գրեթե վստահ եմ, որ ոչ մի ռոբոտ չի կարողանա կայացնել այնպիսի որոշում կամ այնպես գործել, որ ճիշտ կատարի իր պարտականությունները»։

Աղբյուրը