Գյումրիի տեղեկատվական տեխնոլոգիաների կենտրոնը հրավիրում է զինծառայողներին կամ զորացրված երիտասարդներին՝ մասնակցելու 6 ամսյա անվճար ծրագրավորման դասընթացներին։ Այս մասին իր ֆեյսբուքյան էջում հրապարակել է Business Development Advisors (BDA) ընկերության տնօրեն Ամալյա Եղոյանը։

Գյումրիի տեղեկատվական տեխնոլոգիաների կենտրոն գիտակրթական հիմնադրամը Հայաստանի Հանրապետական «Զինվորի մայր» բարեգործական հասարակական կազմակերպության հետ համատեղ՝ Հայ օգնության ֆոնդի ֆինանսավորմամբ իրականացնում է 6 ամսյա անվճար դասընթաց՝ զինծառայողների կամ զորացրված երիտասարդների համար։

Ծրագրի մասնակիցները հնարավորություն կունենան ձեռք բերել գիտելիքներ հետևյալ առարկաներից՝

– HTML/CSS

– Javascript

– PHP

– Database

– Linux

– Adobe photoshop

– դիսկրետ մաթեմատիկա

– ալգորիթմների տեսություն

– անգլերեն։

Դիմելու համար անհրաժեշտ է ներկայացնել անձնագիր և զինգրքույկ։

Դիմումներն ընդունվում են մինչև սույն թվականի փետրվարի 22-ը ներառյալ՝ ԳՏՏԿ 102 սենյակ։ Կամ կարելի է գրանցվել օնլայն՝ անցնելով հետևյալ հղումով։

Դասերը կմեկնարկեն 2019թ․ մարտի 1-ից։ Ընդունելությունը կանցկացվի հարցազրույցի միջոցով։