Մայիսի 10-ին AUA Akian College of Science and Engineering-ում տեղի կունենա ServiceTitan ընկերության պրեզենտացիան։ Այս միջոցառման ընթացքում մասնակիցները հնարավորություն կստանան ծանոթանալու ընկերության ղեկավարող թիմի հետ՝

– Վահե Կուզոյանի՝ համահիմնադիր,

– Վաչ Հովսեփյանի՝ Հաճախորդների հաջողությունների գծով ավագ փոխնախագահ,

– Դարրեն Մերիթի՝ Ինժեներական հարցերով փոխնախագահ,

– Գրեգ Նոլանի՝ Ենթակառուցվածքի եւ ճարտարագիտության գծով ավագ տնօրեն։

Հիշեցնենք, Վահե Կուզոյանի և Արա Մահդեսյանի կողմից 2012թ.-ին հիմնադրված ServiceTitan ընկերությունը վերջերս իր գրասենյակն է բացել Երևանում։

ServiceTitan-ը տնային աշխատանքներ իրականացնող բիզնեսները և դրանց ծառայությունները ներկայացնող հարթակ է։ ServiceTitan-ն այժմ ԱՄՆ-ում ունի 600-ից ավել աշխատակից։ Ընկերությունը 2018թ. նոյեմբերին 165 մլն դոլար ներդրում է ներգրավել, որի ընթացքում գնահատվել է 1.65 մլրդ դոլար։