Հայտնի են Սկսնակ կին ձեռներեցների ծրագրի մրցույթի հաղթողները
News 07-06-2019 14:27

Հունիսի 6-ին ibis Yerevan Center-ում անց էր կացվում «StartaՏՈՆ: Demo Day & Competition» միջոցառումը, որի ընթացքում տեղի ունեցավ «Սկսնակ կին ձեռներեցների ծրագրի» (Aspiring Female Entrepreneurs Program - AFEP) մրցույթը։

Առաջին տեղը գրավեց, $1000 մրցանակ ստանալով, Քրիստինե Դանիելյանը, Erebuni Colors պրոյեկտով։ Ընկերությունը զբաղվում է բնական ծագում ունեցող ապրանքների ստեղծմամբ, որոնք ստանում է բույսերից, կենդանիներից և մարդու օրգանիզմից։

Երկրորդ տեղը զբաղեցրեց, $500 մրցանակ ստանալով, Հասմիկ Հակոբյանը, Multi-Boots ստարտափով։ Multi-Boots-ի օգնությամբ մարդը կարող է քայլելուց գեներացված էներգիան օգտագործել այլ սարքավորումների լիցքավորման համար։

Նշենք, որ ծրագրին դիմել էին ավելի քան 100 աղջիկներ և կանայք, որոնցից վերջնական մրցույթին մասնակցեցին միայն 12-ը։ Ստորև ներկայացնում ենք ծրագրի շրջանակներում ստեղծված և զարգացած 12 ստարտափները՝

Նանե Վարդանյան - Creatr - համագործակցության հարթակ ֆիլմ արտադրողների և ֆիլմ ստուդիոների համար։

Էլմիրա Պողոսյան - EVI - վեբ հավելված է, պլատֆորմ որի հիմնական նպատակն է պայքարել ուտելիքի կորուստին։

Հայկուհի Հովհաննիսյան - reTrend.me - հավաքում է օգտագործված շորերը, վերափոխում է և վերամշակման միջոցով ստեղծում իրենցից նոր, նորաձև հագուստ, վաճառելով կայքի վրա և հավելվածում։

Հասմիկ Սալնազարյան - VIEWR - արհեստական բանականությամբ աշխատող վեբկայք է, որի օգնությամբ ստարտափները և ներդրողները կարող են կատարեն իրենց հետազոտությունները։

Ռոզա Կարապետյան - Shopping Sport - dropshipping կայք է, որը օգնում է Aliexpress-ից գնել վստահելի վաճառողներից սպորտային հագուստ։

Արևիկ Գալստյան - Dilim - նախադպրոցական հասակի երեխաների համար նախատեսված գրքերի հավաքածու է, որտեղ սովորական նկարների տեղը պատկերված են համաշխարհային արվեստի գործեր։

Սյուզաննա Կարապետյան - Jobify - IT ուղղվածությամբ remote աշխատանքների հաստիքներ տեղադրելու հարթաք է, միջոցառումների օրացույցով և պրոֆեսիոնալ թրեյնինգների ցանկերով։

Սյուզաննա Ավետիսյան - DaiY - արհեստական բանականությամբ օրվա կառավարման համար նախատեսված հարթակ է, որի օգնությամբ օգտատերը կարող է բարձրացնել իր աշխատանքի արդյունավետությունը։

Քրիստինե Դանիելյանը - Erebuni Colors - Ընկերությունը զբաղվում է բնական ծագում ունեցող ապրանքների ստեղծմամբ, որոնք ստանում է բույսերից, կենդանիներից և մարդու օրգանիզմից։

Հասմիկ Հակոբյանը - Multi-Boots - դրա օգնությամբ մարդը կարող է քայլելուց գեներացված էներգիան օգտագործել այլ սարքավորումների լիցքավորման համար։

Էլեն Գաբրիելյան - Hye Box - Հայաստանում ստեղծված ապրանքներով լի արկղ է, սփյուռքում գտնվող ընտանիքների համար, ովքեր ցանկանում են իրենց երեխաներին «կապված» պահել հայկական մշակույթի հետ։

Ռոզա Աբրահամյան - Sense Y - IoT-ի (Internet of Things) վրա հիմնված խելացի համակարգ է, որը հետևում է ձեր շարժումներին, նրան, թե որքան ճիշտ եք դուք կատարում վարժությունները, հաշվում է քայլերը, սրտի աշխատանքը և այլն։