Սեպտեմբերի 30-ին Վանաձորի տեխնոլոգիական կենտրոն (VTC) էր այցելել Լոռու մարզի քույր մարզ հանդիսացող Ռումինիայի Հարգիտա նահանգի պատվիրակությունը՝ Հարգիտայի մարզպետի տեղակալ Բարտի Տիհամերի գլխավորությամբ:
Պատվիրակության կազմում էին նաև Ալավերդի համայնքի քույր քաղաք հանդիսացող Գեորգենի քաղաքապետ Նագի Զոլոտան, մարզպետարանի և քաղաքապետարանի ներկայացուցիչներ, Տրանսիլվանիայի հունգարահայերի միության անդամներ: Պատվիրակությանը ուղղեկցում էր Լոռու մարզի փոխմարզպետ Գայանե Մարկոսյանը:
Պատվիրակության անդամները շրջեցին Վանաձորի տեխնոլոգիական կենտրոնում, ծանոթացան ՎՏԿ-ում տեղակայված ընկերություններին և նրանց գործունեությանը:
Հյուրերը մեծ հետաքրություն ցուցաբերեցին ՎՏԿ-ի կրթական ծրագրերի, ինչպես նաև ՎՏԿ ընկերությունների պրոդուկտների և ծառայությունների նկատմամբ: