Եթե դուք սփյուռքահայ եք և նորարարական ստարտափ գաղափար ունեք, ցանկանում եք վերադառնալ Հայաստան և պետական դրամաշնորհի միջոցով փեր գաղափարներն իրականություն դարձնել Հայաստանում, ապա կարող եք դիմել «ՆերՈւժ» սփյուռքի ստարտափ ծրագրին:

Ծրագրին կարող են դիմել այն ստարտափները, որոնք՝

– Ունեն նախնական ձևավորված թիմ

– Համահիմնադիրներից առնվազն մեկը ազգությամբ հայ է

– Ստարտափը գտնվում է ստորև նշված զարգացման փուլերից որևէ մեկում

– Համահիմնադիրներից մեկը պատրաստակամ է հաստատել և գրանցել ստարտափը Հայաստանում և այստեղ ապրել առնվազն մեկ տարի:

Մասնակցելու համար կարող են դիմել այն թիմերը, որոնց ծրագրերը գտնվում են ստարտափի առաջնային փուլում: Ծրագրի տեսանկյունից, կազմակերպության գաղափարը կարող է համարվել ստարտափ փուլում, երբ արտադրանքը գտնվում է զարգացման հետևյալ փուլերից որևէ մեկում՝ նախնական արտադրանք/հետազոտություն և զարգացում (R&D), նախատիպ, նվազագույն կենսունակ արտադրանք (MVP), սկզբնական եկամուտ (հասնելով վաճառքի):

Տեղերի սահմանափակ քանակից ելնելով՝ Դիլիջանում ծրագրին մասնակցելու համար յուրաքանչյուր ստարտափից կհրավիրվի երկու անդամ:

Դիմումների վերջնաժամկետն է հոկտեմբերի 21-ը։

Ծրագրին մասնակցելու համար կարող եք անցնել հետևյալ հղումով։