Ինչպես է krisp-ը տնօրինելու WCIT 2019 շրջանակներում հաղթած 25,000 դոլարը
News 12-10-2019 12:18

krisp-ի հիմնադիր Դավիթ Բաղդասարյանն իր ֆեյսբուքյան էջում հայտնել է, թե ինչպես են տնօրինելու WCIT2019-ի շրջանակներում Հայաստանի տեխնոլոգիական համայնքի կողմից իրականացված Lightning Rounds-ի արդյունքում հաղթած 25,000 դոլարը։

«Մասնակցեցինք WCIT2019 3րդ օրվա Lightning Rounds-ին և գրավեցինք 1-ին տեղը։

Ինչպես նախօրոք նշել էինք, եթե հաղթեյինք, ստացած գումարը ($25,000) կներդնենք մի գործի մեջ որը դրա կարիքն ավելի ունի քան մեր ընկերությունն այս պահին։

Գիտությունը մեր երկրի զարգացման հիմքն է։ krisp-ում մենք համոզված ենք որ առանց զարգացած գիտության մեր երկիրը շատ բաների չի կարող հասնել, երկարաժամկետ։

Այսպիսով, շատ բնական է որ պետք է ներդնենք այդ գումարը հենց գիտական հիմքով և ուղվածության լաբորատարիաների մեջ։

Իրականում մեր ընկերության հիմնադրման ակունքներում հենց գիտության զարգացումն է։ Եվ այս որոշումը շատ բնական և հեշտ էր մեզ համար։

- ԵՊՀ Ֆիզիկայի ֆակուլտետ ($15,000)։ Կօգնենք Ֆիզֆակին հիմնադրել ML Lab և ուսանողներին հնարավորություն ընձեռնել աշխատել գիտական հիմքով արդիական խնդիրների վրա։ Ֆունդամենտալ ֆիզիկան և մաթեմատիկան հույժ կարևոր են։

- YerevaNN ($10,000)։ Այն ինչ անում է YerevaNN-ը ոգևորում է բոլորիս։ Հույսով ենք որ այս փոքր ներդրումը կխթանի լաբորատորիայի զարգացմանը։

Մեր գործերն էլ երբ լավանան, բնականաբար այսպիսի ներդրումները ավելի կշատանան։

Շնորհակալություն Armenian Tech Community-ին ինքնակազմակերպվելու և այսպիսի հնարավորություն ստեղծելու համար։

Շատ ուրախ ենք որ այս մասին հայտարարում ենք հենց STCC կոնֆերանսին համընթաց։ Արտավազդ Մինասյանը (krisp-ի համահիմնադիր) ավելի մանրամասներ կներկայացնի հենց կոնֆերենսի ընթացքում», - գրում է Բաղդասարյանը։