Ձեռնարկությունների ինկուբատոր հիմնադրամը (EIF) տեղեկացնում է, որ 2019 թ.-ի հոկտեմբերի 20-ի դրությամբ Հետազոտական աշխատանքների ֆինանսավորման ծրագրով ներկայացվել են ավելի քան 30 հայտադիմումներ, սակայն, հաշվի առնելով տարբեր հետազոտական հաստատություններից ստացվող բազմաթիվ առաջարկությունները, որոշվել է հայտերի ընդունման վերջնաժամկետը հետաձգել մինչև 2019թ-ի հոկտեմբերի 27-ը (ներառյալ):
ՀՀ համալսարանների և գիտահետազոտական ինստիտուտների հետազոտական թիմերը կարող են մասնակցել PMI Science-ի աջակցությամբ Ձեռնարկությունների ինկուբատոր հիմնադրամի կողմից իրականացվող Հետազոտական աշխատանքների ֆինանսավորման (Faculty Research Funding) ծրագրին։
Հաղթող թիմերից յուրաքանչյուրը կստանա մինչև 7 մլն ՀՀ դրամի ֆինանսավորում (ներառյալ հարկերը): Ֆինանսավորումից բացի հաղթող թիմերի հետ կաշխատեն փորձառու մենթորներ և փորձագետներ։
Մանրամասների համար կարող եք կարդալ մեր նյութը։