Սյունիքում քննարկել են «Ստարտափ ակումբներ» հիմնելու նախաձեռնությունը
News 06-11-2019 13:24

Նոյեմբերի 1-ին Սյունիքի մարզպետարանում հյուր էին «Ստարտափ Արմենիա» hիմադրամի տնօրեն Արսեն Հարությունյանն ու «Ստարտափ ակումբների» բիզնեսի զարգացման ղեկավար Վարդան Գալստյանը։ Սյունիքի մարզպետի խորհրդական Գոռ Թադեւոսյանի եւ մարզպետարանի Զարգացման ծրագրերի եւ վերլուծության բաժնի պետ Էդգար Մարտիրոսյան հետ նրանք քննարկել են մարզում 13-17 տարեկանների համար «Ստարտափ ակումբներ» հիմնելու նախաձեռնությունը։

Մարզպետարանի պատասխանատուները պատրաստակամություն են հայտնել իրենց լիազորությունների եւ հնարավորությունների շրջանակում աջակցել այս ծրագրին։

«Ստարտափ ակումբները» մեկ ուսումնական տարվա ընթացքում 13-17 տարեկան պատանիներին ձեռներեցության հմտություններ են փոխանցում ու աջակցում նրանց նորարարական գաղափարների իրականացմանը։ Հիմնադրամն արդեն իսկ նման 6 կենտրոններ ունի Հայաստանի 4 մարզերում (այս պահին 150-ից ավելի պատանիներ են հաճախում նրանց դասընթացներին) եւ նպատակ ունի ընդլայնել դրանց աշխարհագրությունը։

«Ստարտափ Արմենիա» հիմադրամը ստեղծվել է 2016 թ․ եւ առավել հայտնի է «Սեւան Ստարտափ Սամմիթ» պրոյեկտով, ու հանդիպմանը քննարկվեց նաեւ Սյունիքում նման «Ստարտափ Սամմիթի» կազմակերպման հնարավորությունը։