Տեղի կունենա «Գտիր քո բիզնես պլանը» մաստերկլասը

«Բի Էս Սի» Բիզնեսի Աջակցման Կենտրոնն իր «ԳՏԻ՛Ր…» նախագծի շրջանակներում նոյեմբերի 21-ին, ժամը 19:00-ին The LOFT-ում անցկացնելու է «Գտիր քո բիզնես պլանը» մաստերկլասը:

Հանդիպման ընթացքում կունենաք հնարավորություն ստանալու հստակ ուղղություններ` աշխատող բիզնես պլանի մշակման համար:

Հանդիպման հիմնական թեմաներն են՝

– Բիզնես պլանի հիմնական բաղադրիչ մասերը,

– Ի՞նչ ներառել բիզնես պլանում,

– Ինչի՞ն հատուկ ուշադրություն դարձնել,

– Ի՞նչ հիմնական սխալներից խուսափել բիզնես պլան մշակելիս,

– Շուկա, թիրախ, մարքեթինգ, ֆինանսներ, աշխատանքային պլան. ի՞նչ դեր ունեն այս բաժինները բիզնես պլանում,

– Պրակտիկ օրինակներ՝ Հայաստանյան շուկայից:

Հանդիպումը կանցկացնեն «Բի Էս Սի» Բիզնեսի Աջակցման Կենտրոնի բիզնեսի զարգացման բաժնի ղեկավար Մարիաննա Վիրաբյանը և կառավարման խորհրդատվության բաժնի ղեկավար Մերի Մելքոնյանը, ովքեր մշակել են 10+ հաջողված բիզնես պլան՝ Հայաստանում գործող և նորաստեղծ ընկերությունների համար:

Մուտքավճարը` 2000 դրամ: Մասնակցության համար պետք է նախապես գրանցվել