Krisp-ը գործարկվեց Ճապոնիայում. կնքվեց պայմանագիր V-Cube-ի հետ
News 21-11-2019 17:22

Նոյեմբերի 19-ին V-cube-ը ստորագրեց Ճապոնիայում Krisp ծրագրի բացառիկ վաճառքի պայմանագիր: Նշենք, որ V-cube-ը կորպորատիվ հաճախորդներին հաղորդակցման ծառայություններ մատուցող հայտնի ճապոնական ընկերություն է։

Krisp-ը թույլ է տալիս իրական ժամանակում մաքրել ձայնը կողմնակի աղմուկից, իսկ GPU-ների օգտագործումը թույլ է տալիս տեխնոլոգիան հասանելի դարձնել միլիոնավոր սարքերի համար։ Այն բարելավում է ձայնի որակը, ինչը վեբ կոնֆերանսների ժամանակ առաջացող մեծ խնդիր է, և հնարավորություն է տալիս հարմարավետ հաղորդակցվել:

Հիշեցնենք, որ Krisp հայկական ստարտափը ստեղծվել է մեկուկես տարի առաջ և մինչ օրս ընկերությունը ներգրավել է ավելի քան երկու միլիոն դոլար ներդրում Սիլիկոնյան Հովտի ներդրողներից։ Արդեն 2018թ․ ավարտին Krisp-ը ճանաչվել է տարվա լավագույն ապրանք միջազգային ProductHunt հարթակում (պլատֆորմում)։