Սեպտեմբեր, 2020
September 2020
M T W T F S S
 123456
78910111213
14151617181920
21222324252627
282930  
ServiceTitan ընկերությունը գնել է WaterSoftWare-ը
News 05/12/2019 12:13

ServiceTitan-ը, Գլենդելում տեղակայված ծրագրային ապահովման ընկերությունը, ձեռք է բերել WaterSoftWare-ը Ջորջիայի Դուգլասվիլ քաղաքից:

Ձեռքբերման պայմանները չեն հայտարարվել:

ServiceTitan-ի գործադիր տնօրեն Արա Մահդեսյանի հայտարարության մեջ ասվում է, որ ընկերությունը գնել է WaterSoftWare-ը՝ ակնկալելով իր ծառայությունների ավելի մեծ պահանջարկ:

«Սպառողները սկսել են հասկանալ, թե ինչ կա իրենց ջրի մեջ։ Արդյունաբերությունը կդառնա ավելի մրցունակ, քանի որ ջրի մաքրման ծառայությունների պահանջարկը մեծանում է», – ասել է Մահդեսյանը:

«Մենք ձգտում ենք ընկերություններին առաջարկել հաճախորդների սպասարկման և բիզնեսի կառավարման լավագույն լուծումները, և մենք ձգտում ենք օգնել այս ոլորտի զարգացմանը, քանի որ այն շարունակում է աճել», – ավելացրել է նա։

«Մենք հատուկ լուծում ստեղծեցինք ջրմուղի ոլորտի համար, և այս ձեռքբերումը մեզ հնարավորություն է տալիս հաստատել ավելի ամուր կապեր այս ոլորտում և ավելի լավ սպասարկել մասնագետներին, որոնք ապահովում են մեր ջրամատակարարման համակարգերի մաքրությունն ու անվտանգությունը», – ասում է Վահե Կուզոյանը, ServiceTitan-ի համահիմնադիրը և նախագահը։

Հիշեցնենք, որ ServiceTitan-ը հայ-ամերիկյան ստարտափ է, որն օգնում է շինարարության ու կենցաղային սպասարկման ոլորտներում աշխատող ընկերություններին։ Ընկերության ստեղծած ծրագրից միայն ԱՄՆ-ում օգտվում են 50 հազ. տեխնիկական մասնագետներ, որոնք տարեկան ավելի քան 10 մլրդ գործարքներ են իրականացնում:

Ընկերությունը գրասենյակներ ունի Կալիֆոռնիայում, Ատլանտայում և Հայաստանում և ավելի քան 700 աշխատակից ամբողջ աշխարհում: