Դեկտեմբերի 8-ին Վանաձորի տեխնոլոգիական կենտրոնում տեղի կունենա աշխարհի ավելի քան 180 երկրում կազմակերպվող «Ծրագրավորման ժամ» (Hour of Code) միջոցառումը, որն իրականացվում է «Բաբելոն» ուսումնական կենտրոնի կողմից՝ Ձեռնարկությունների ինկուբատոր հիմնադրամի, Վանաձորի տեխնոլոգիական կենտրոնի, «Կոձիլլա» ՏՏ ուսումնական կետրոնի աջակցությամբ և Ինեկոբանկի հովանավորությամբ։

Միջոցառմանը կարող են մասնակել սկսած 6-ից 14 տարեկան երեխաները:

Միջոցառման նպատակն է մասնակիցներին կարճ ժամանակահատվածում ծանոթացնել համակարգչային գիտության հետ՝ տրամադրելով գործնական հմտություններ ծրագրավորման բաղադրիչների և կոդ հասկացության վերաբերյալ: Այս ամենը մենք կսովորենք խաղերի միջոցով ընդամենը մի քանի ժամում:

Կազմակերպիչները ներգրավել են Հայաստանի առաջատար ընկերություններում աշխատող մասնագետների, ովքեր Hour of Code միջոցառման ընթացքում աջկցելու են մասնակիցներին։ Իսկ Codzilla ուսումնական կենտրոնի փորձառու թիմը տարրական դասարանների աշակերտների համար մշակել է նյութերի ներկայացման հատուկ մեթոդներ։

Մասնակցության համար անհրաժեշտ է պարզապես ունենալ մեծ ցանկություն և ներկայանալ միջոցառմանը, որովհետև․

– չի պահաջվում ծրագրավորման իմացություն,

– կրտսեր դպրոցի աշակերտները պետք է ներկայանան ծնողի ուղեկցությամբ,

– անգլերենի իմացությունը ցանկալի է միջին և ավագ դասարաններում սովորող աշակերտների համար։

Քանի որ տեղերը սահմանափակ են, հարկավոր է գրանցվել հետևյալ հղումով։

Նշենք, որ յուրաքանչյուր տարի աշխարհի 180-ից ավել երկրներում կազմակերպվում է «Ծրագրավորման ժամ»/Hour of Code միջոցառումը՝ համախմբելով ավելի քան 300 մլն մասնակցի։