Հունվարի 14-ին հարյուրավոր ապագա զինծառայողներ մասնակցեցին «1991 ստորաբաժանման» նախապատրաստական դասընթացի թեստավորման փուլին։
Թեստավորմանը մասնակցել է շուրջ 400 մասնակից։ Տվյալագիտության և արհեստական բանականության ոլորտների վերաբերյալ FAST հիմնադրամի 6 ամսյա անվճար դասընթացը պաշտոնապես մեկնարկում է հունվարի 29-ին։
Նախապատրաստական դասընթացի նպատակն է նախազորակոչային տարիքում գտնվող անձանց տրամադրել լրացուցիչ գիտելիքներ տվյալագիտության և արհեստական բանականության ոլորտների վերաբերյալ, որի շնորհիվ վերջիններս առավել պատրաստված կլինեն հետագայում «1991 ստորաբաժանում»-ում ծառայություն անցնելու համար։
Նախապատրաստական դասընթացի բովանդակությունը՝
– Գծային հանրահաշիվ և անալիտիկ երկրաչափություն,
– Մաթեմատիկական անալիզ,
– Հավանականությունների տեսություն,
– Ծրագրավորման հիմունքներ,
– Մեքենայական ուսուցման հիմունքներ,
– Նեյրոնային ցանցերի հիմունքներ,
– Ավարտական նախագծեր։
