Նոյեմբեր, 2020
November 2020
M T W T F S S
 1
2345678
9101112131415
16171819202122
23242526272829
30  
Տեղի կունենա «Ֆիզիկական պրոդուկտների ֆինանսավորումը» պանելային քննարկումը
News 27/07/2020 11:40

Հուլիսի 29-ին 20։00-ին տեղի կունենա ֆիզիկական պրոդուկտների (hardware products) մասին Armenia Startup Academy-ի երկրորդ պանելային քննարկումը՝ Fundraising for Hardware: Քննարկումը տեղի կունենա հուլիսի 29-ին, 20:00-ին։ Խոսելու ենք վաղ փուլերում գտնվող ֆիզիկական պրոդուկտների (hardware products) ֆինանսավորման աղբյուրների, այս պրոդուկտների մեջ ներդրում անելու պատճառների, ներդրումների ներգրավման գործընթացում հիմնական մարտահրավերների և դրանց հաղթահարման ուղիների մասին և ավելին:

Քննարկման խոսնակներն են՝

– Գարեթ Ուինթեր, HAX ծրագրի ղեկավար և վենչուրային ֆոնդի գործընկեր,

– Ուիլյամ Սանտանա Լի, Knightscope ընկերության նախագահ և գլխավոր տնօրեն,

– Ակսել Փիրան, Conscious Labs ընկերության համահիմնադիր և Գլխավոր օպերացիոն տնօրեն, հրեշտակ ներդրող,

– Արթուր Մանուկյան, The Crowdfunding Formula ընկերության Բիզնեսի զարգացման տնօրեն և Crowdfunding-ի փորձագետ,

– Տիգրան Շահվերդյան, Robomart ընկերության համահիմնադիր և Գլխավոր տեխնոլոգիական տնօրեն:

Պանելային քննարկումը կվարի Embry Tech ընկերության համահիմնադիր և Գործադիր տնօրեն Սարգիս Կարապետյանը:

Քննարկման վերջում հանդիսատեսը կարող է հարցեր ուղղել խոսնակներին։

Առցանց միջոցառումը կազմակերպվում է Հայաստանի ստարտափ ակադեմիայի (Armenia Startup Academy) Traction ծրագրի շրջանակներում: Ծրագիրն իրականացվում է «Քաթըլիսթ» հիմնադրամի կողմից՝ Եվրոպական միության ԵՄ-ն բիզնեսի համար նախաձեռնության ներքո Գերմանիայի միջազգային համագործակցության ընկերության (German Development Cooperation-GIZ) կողմից իրականացվող «Տեխնոլոգիաների զարգացում Հայաստանի համար» ծրագրի աջակցությամբ։ Հայաստանի հեռահաղորդակցության առաջատար օպերատոր Վիվա-ՄՏՍ-ը միացել է նախաձեռնությանը որպես կորպորատիվ գործընկեր և աջակից:

Առցանց հեռարձակմանը կարող եք միանալ հետևյալ հղումով՝ https://bit.ly/2ZSiMzt