«Ձեռներեց կանանց հնարավորությունների ընդլայնումն ու առաջխաղացումը ոչ տեխնոլոգիական ոլորտներում՝ տեխնոլոգիական լուծումների կիրառման միջոցով» ծրագրի առաջին փուլը՝ բութքեմփն ավարտվել է, և մասնակիցները պատրաստվում են ներկայացնել իրենց բիզնես գաղափարները հաջորդ՝ աքսելերացիոն փուլ անցնելու համար:
Նրանց առավել ոգևորելու նպատակով՝ Ձեռնարկությունների ինկուբատոր հիմնադրամը սկսում է իրենց մասնագիտական գործունեության մեջ հաջողություններ գրանցած կանանց հետ հանդիպումների շարք:
Սեպտեմբերի 3-ին կկայանա հանդիպում Համաշխարհային Բանկի հայաստանյան գրասենյակի տնօրեն տիկին Սիլվի Բոսութղոյի հետ, որի ընթացքում նա` որպես կին առաջնորդ, կկիսվի իր հաջողության պատմությամբ և կներկայացնի խոչընդոտները հաղթահարելով առաջ շարժվելու իր բանաձևը: