Հուլիս, 2024
July 2024
M T W T F S S
1234567
891011121314
15161718192021
22232425262728
293031  
Renderforest-ը 5 տարեկան է
News 04/09/2020 12:27

Renderforest վիդեո անիմացիաների, լոգոների ստեղծման և կայքերի նախագծման հարթակը նշում է հիմնադրման 5-ամյակը։

Հայաստանի ամենահաջողված ստարտափներից մեկը՝ Renderforest-ը գործունեությունը սկսել է 3-հոգանոց թիմով, հիմա ընկերության աշխատակիցները 75-ն են։ Այս ընթացքում Renderforest-ը համախմբել է աշխարհի շուրջ 140 երկրի 10 միլիոն օգտատերերի, որոնք հարթակում ստեղծել են 30 միլիոնից ավել հոլովակ։

Ընկերության հաջողության գրավականը մարդկային որակյալ ռեսուրսն ու աշխատանքային էթիկայի պահպանումն է։

 

https://www.facebook.com/Renderforest/videos/243416866896539/

 

Ստարտափի հիմնադիրները միշտ վստահ են եղել՝ վիդեոմարքեթինգը հաջողված մարքեթինգի ապագան է, ուստի ստեղծեցին հարթակ, որով հնարավոր է ստանալ պրոֆեսիոնալ պրոմո-հոլովակներ մի քանի րոպեում։

Հայակական ընկերությունն աշխարհի առաջատարներից է այս ոլորտում։

Օգոստոսին հայկական ստարտափը գործարկեց նոր հավելված, որով կարող են տեսանյութեր պատրաստել ios օպերացիոն համակարգի օգտատերերը։ Այնպես որ iPhone-ի սիրահարները կարող են Renderforest – Video Maker բազմաֆունկցիոնալ հավելվածի միջոցով մի քանի րոպեում ընդամենը 3 քայլով ստանալ որակյալ հոլովակներ։ Հավելվածը կարող եք ներբեռնել այստեղ։

Ի դեպ, Renderforest-ը Հայաստանի 1000 խոշոր հարկատուների ցանկում է։ Ընթացիկ տարվա հունվար-հունիս ժամանակահատվածում ընկերությունը վճարել է  297.4 մլն դրամ հարկ և զբաղեցնում է խոշոր հարկատուների ցանկի 281-րդ հորիզոնականը։

Starthub Armenia-ն շնորհավորում է Renderforest-ին։ Մենք ցանկանում ենք, որ ընկերության թիմն այնքան հաջողություններ գրանցի, այնքան նորություններ ունենա, որ նույնիսկ չհասցնենք լուսաբանել։

Հ.Գ. – Այս ամիս մենք անպայման կանդրադառնանք Renderforest-ին՝ թիմի հաջողությունների, հանդիպող դժվարությունների, առօրյայի և տեսլականի մասին պատմելող տեսանյութով։