News

Մեկնարկել է «Arduino Application» անվճար դասընթացի հայտերի ընդունումը. վերջնաժամկետը նոյեմբերի 26-ն է

Ձեռնարկությունների ինկուբատոր հիմնադրամը (ՁԻՀ)՝ Հայաստանի ազգային պոլիտեխնիկական համալսարանի (ՀԱՊՀ), Հայաստանի ազգային ճարտարագիտական լաբորատորիաների (ՀԱՃԼ) հետ համատեղ և PMI Science-ի աջակցությամբ հայտարարում են «Arduino Application» անվճար դասընթացի հայտերի ընդունումը։

Դասընթացն իրականացվելու է PMI Science R&D կենտրոնի՝ ժամանակակից սարքերով հագեցած կրթական լաբորատորիայում։

Դասընթացի ընթացքում մասնակիցները կծանոթանան Arduino հարթակին և նրա ծրագրավորման հրամանների համակարգին, ինչպես նաև կսովորեն մշակել ալգորիթմներ, իրականացնել տվյալների հավաքագրում և համակարգերի կառավարում՝ գործնական օրինակների լուծման միջոցով։ Arduino կարգավորիչների գործնական կիրառություններին ծանոթանալը հնարավորություն կտա նախագծել և կառավարել տարատեսակ ինժեներական ավտոմատացված համակարգեր (ռոբոտ, անօդաչու թռչող սարք, խելացի տուն և այն)։

Դասընթացի տևողությունը 3 ամիս է։

Տեղերը սահմանափակ են: Դասընթացի հաջող ավարտից հետո մասնակիցները կստանան վկայականներ։

Դասընթացը կմեկնարկի դեկտեմբերի 1-ին, մասնակցելու համար գրանցվեք այստեղ մինչև նոյեմբերի 26-ը

Share